Asteburuan azken bi kanporaketak jokatuko dira

Gaur, ostirala, 23:00etan, MOTZ Tabernan

Bihar, larunbata, 23:00etan, ALDIRI Tarbernan

Murua, Soraluze eta Zaldua finalera

Pasa den asteburuan jarri da abian bertso eskolak antolatu duen aurtengo "Martxoan bertsoa" ekimena, urtero bezala ikusmin handia piztu duen zikloa, hain zuzen. Herriko bertsolari txapelketako lehenengo kanporaketa jokatu zen larunbat gauean Fox tabernan, eta bertan, hilaren 19an Gaztelekun jokatuko den finaleko lehenengo txartela jarri zen jokoan. Hiru talde lehiatu ziren, nor baino nor, eta azkenean, puntuaketa estu batek Murua, Soraluze eta Zalduak osaturiko "Zintzoa, zatarra eta gaiztoa" taldea igaro zen finalera.

Saioa maila onekoa izan zen orokorrean, eta bertso oso onak entzuteko parada izan zuten taberna bete zuten bertsozaleek. Haserako agurrean garbi ikusi zen inor ez zela denbora pasa joan Foxera, eta guztiek argi utzi zuten finalerako sailkatzea zela zuten helburu bakarra. Aurten, antolatzaileek entzuleak ere epaile paperean jarri dituzte, eta hauek ere euren ustez saioko bertsolari gustokoena eta talderik onena nor izan den esateko aukera daukate. Iker Otegi, Juanjo Aranburu eta Joseba Segurolaren "Beteranoak" taldeak eraman zuen entzulegoaren sari sinbolikoa, eta Iker Soraluzek entzueen ustez bertsolari onenarena.

Epaileen erabakiak, berriz, Murua, Soraluze eta Zalduaren taldeari eman zion puntu gehien. Aipagarria da, bereziki, Iker Soraluzek egindako lan ikusgarria. Saioari erritmo ikaragarria eman zion, eta ale gogoangarriak eskaini zituen bertsotarako erraztasun ikusgarria erakutsiz. Bakarkako lanean bota zuen habanera txapelketako bertso onena izateko bidean da.

Murua eta Zalduak ere, lan txukuna burutuzuten taldeari oreka emanez. Beste bi taldeak ere, maila oso onean aritu ziren, eta erantzun harrigarriak eman zizkieten Uxue Fernandezek jarritako gaiei.

Datorren asteburuan, txapelketako beste bi kanporaketak jokatuko dira, eta horietan erabakiko da Gaztelekun kantatuko duten beste bi taldeaknortzuk izango diren.

Ikastaroan oso gustora Mendiluzerekin

Martxoan bertsoa!larunbat goizean hasi zen Aitor Mendiluzek gidatutako ikastordu irekiarekin; bertsolari handi honek, bakarkako gai baten aurrean bertsolari batek hartu ditzakeen bideak zeintzuk diren aztertu zuen, eta ariketa bat planteatu zuen bertaratutakoek egin zezaten.



Giro polita egon zen larunbat goizean kultur etxean. Martxoan bertsoa! martxan dago eta izango da datorren astean bertsoaz gozatzeko aukerarik.

Bihar, txapelketako lehen kanporaketa

Bihar jokatuko Urretxu Zumarragako III. Bertsolari Txapelketako lehen kanporaketa.

Honako sateliteek hartuko dute parte (eta irudian satelite beteranoetako bi):

1. ZINTZOA, ZATARRA ETA GAIZTOA: Murua, Sora eta Zaldua
2. AIKURREKO FAKTORIA: Otegi I, Susaeta eta Zabalo
3. BETERANOAK: Otegi II, Ajo eta Segurola

INTREPID FOX Tabernan izango da ikuskizuna, gaueko 23:00etan hasita.

Ikastordu irekia larunbatean Aitor Mendiluzerekin

Larunbata honetan, goizeko 11:30etan eskola irekia izango da Uretxuko Kultur Etxean. Hizlari gonbidatua gisa Aitor Mendiluze etorriko da, benetako luxua.
Animatu eta ez galdu aukera, batez ere txapelketara apuntatu zareten hasi berri eta "beteranoentzat".

Kamisetak salgai daude iada

Kamiseta fashion mordo bat jarri ditugu salgai taberna desberdinetan Martxoan Bertsoa! dela eta. Gazteleku, Fox, Motz eta Aldiri tabernetan bilatu eta han aurkituko dituzue.

Kamisetak 10 euroko preziotan jarri ditugu dute eta S, M, L, XL eta umeentzako neurrikoak egongo dira.

Martxoan Bertsoa! Egitaraua

BERTSO ESKOLAKO IKASTORDU IREKIA
Martxoak 5, larunbata, goizeko 11:30etan
Urretxuko Kultur Etxea
Hizlaria: Aitor Mendiluze

HERRIKO BERTSOLARI TXAPELKETA
Kanporaketak:
Martxoak 5, larunbata, 23:00etan, INTREPID FOX Tabernan
Martxoak 11, ostirala, 23:00etan, MOTZ Tabernan
Martxoak 12, larunbata, 23:00etan, ALDIRI Tarbernan

Finala
Martxoak 19, larunbata, 23:0etan, GAZTELEKUn

BERTSO AFARIA
Apirilak 2, larunbata, 20:30etan, BALENTIÑA Jatetxean
Bertsolariak: Andoni Egaña eta Iñaki Gurrutxaga

BERTSO SORTEN KANTALDIA
Apirilak 8, ostirala, 22:30etan, GAZTELEKUn

GAZTETXOEN BERTSO ANTZERKIA
Apirilak 10, igandea, 17:00etan, Labeaga Aretoan

ZUMARRAGA-URRETXUKO XVIII. BERTSO PAPER LEHIAKETA
Sari banaketa ekitaldia
Zumarraga-Urretxuko eta Ordiziko Bertso Eskolako gaztetxoen emanaldia
Apirilak 15, ostirala, 15:00etan, Zelai Aristi Aretoan

Webgunearen aurkezpena

Kaixo denoi!!!

Webgune edo blog honen bidez Urretxu Zumarragako Bertso Eskolaren ekimen eta ekitaldi guztien informazioa izango duzue eskuragarri.

Horretaz gain, albiste bakoitzari erantzuteko aukera izango duzue, hau da, izaera dinamikoa eta parte hartzailea du. Beraz, edozein ekimen edo albisteren inguruan iritzia eman lasai asko

Bestalde, Martxoan Bertsoa ekimenari laister emango diogu hasiera eta txapelketako albiste, bertso-emanaldi eta xelebrekeri guztien berri webgune honetan izango duzue, zuzen zuzenean eta bitartekaririk gabe.

Laister arte!!!